business general

English Communication Skill part 1-2

2011-12-08T04:06:00.000-08:00

http://www.youtube.com/watch?NR=1&v=OlDQTgAAShs&noredirect=1

The most beautiful cambodian actress Virak Dara

2011-12-05T07:55:00.000-08:00

animal

2011-12-05T07:45:00.000-08:00

ឥទ្ធិពលភាសាបាលីក្នុងសង្គមខ្មែរ

2011-12-05T07:39:00.000-08:00

វិទ្យាស្ថានពុទ្ធសាសនបណ្ឌិត្យបានបោះពុម្ពផ្សាយវចនានុក្រមថ្មីមួយ គឺវចនានុក្រម បាលី-ខ្មែរ-អង់គ្លេស ក្នុងគោលបំណងជួយសម្រួលដល់តម្រូវការចាំបាច់របស់អ្នកសិក្សា ស្រាវជ្រាវពីព្រះពុទ្ធសាសនាទាំងអស់ក្នុងសកលលោក ជាពិសេសប្រជាពលរដ្ឋកម្ពុជា។
ដោយហេតុថា តាំងពីដើមរៀងមករហូតដល់បច្ចុប្បន្ន ភាសាបាលីនេះមិនត្រឹមតែត្រូវបានគេប្រើប្រាស់នៅក្នុងព្រះពុទ្ធ សាសនាថេរវាទប៉ុណ្ណោះទេ គឺបានគ្របដណ្ដប់មកលើភាសាខ្មែរភាគច្រើនដែរ។
តើភាសាបាលីនេះមានសារៈសំខាន់យ៉ាងណាក្នុងព្រះពុទ្ធសាសនា? ហើយភាសានេះមានដើមកំណើតចេញពីប្រភពណាមក?
អ្នកស្រី កែវពេជ្រ មេត្ដា រាយការណ៍អំពីប្រវត្តិភាសាបាលីមួយនេះ។

ភាគ២៖

ភាគបញ្ចប់៖

បញ្ជុនអត្ថបទទៅបណ្ដាញផ្សេងៗ

លទ្ធផលរត់ពាក់កណ្ដាលម៉ារ៉ាតុងអង្គរ ថ្ងៃនេះ

2011-12-05T07:35:00.000-08:00

ប្រចែងគ្នាចេញដំណើរដើម្បីបានចំណាត់ថ្នាក់ល្អ

ភ្នំពេញ:ការរត់ពាក់កណ្ដាលម៉ារ៉ាតុងអង្គរ លើកទី១៦ ឆ្នាំ២០១១ ដែលបានធ្វើនៅតំបន់អង្គរខេត្តសៀមរាប នាព្រឹកថ្ងៃទី៤ធ្នូ ឆ្នាំ២០១១ បានបញ្ចប់ដោយគ្មានបញ្ហាអ្វីកើតឡើងនោះទេ។ នេះបើតាមការអះអាងពីលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិក កម្ពុជា។
ចំពោះលទ្ធផល នៃការរត់ប្រណាំង ពាក់កណ្ដាលម៉ារ៉ាតុង គឺផ្នែកនារី ចំណាត់ថ្នាក់លេខ១ កីឡាការិនី Jenny Lundgren ជនជាតិ ស៊ុយអែត ក្នុងថេរវេលា ១ ម៉ោង ២៥នាទី ២២ វិនាទី, លេខ ២ កីឡាការិនី Holly Holly Warren ជនជាតិ ញូហ្សេលេន ដោយថេរវេលា ១ ម៉ោង ២៩ នាទី ១១ វិនាទី និងលេខ ៣ កីឡាការិនី Vivia Tang ជនជាតិសឹង្ហបូរី ក្នុងថេរវេលា ១ ម៉ោង ៣០ នាទី និង ២៤ វិនាទី។
ចំណែកផ្នែកបុរស ការរត់ពាក់កណ្ដាលម៉ារ៉ាតុង នៅព្រឹកមិញ គឺចំណាត់ថ្នាក់លេខ ១ បានលើកីឡាករ Henrik Jannborg ជនជាតិស៊ុយអែត ថេរវេលា ១ ម៉ោង ១៣ នាទី និង ៥ វិនាទី, ចំណាត់ថ្នាក់លេខ ២ កីឡាករ Evan Fox ជនជាតិអាមេរិក ថេរវេលា ១ម៉ោង ១៤ នាទី និង ១៨ វិនាទី និងចំណាត់ថ្នាក់លេខ ៣ កីឡាករជនជាតិជប៉ុន Mitsuharu Nishioka ថេរវេលា ១ ម៉ោង ១៧ នាទី និង ៤១ វិនាទី។
រីឯការរត់ប្រណាំង ក្នុងចម្ងាយ ១០ គីឡូម៉ែត្រ ផ្នែកនារី គឺចំណាត់ថ្នាក់លេខ ១ បានលើកីឡាការិនី Corine Koster ថេរវេលា ៤៦ នាទី និង ១២ វិនាទី ដែលជាកីឡាការិនីមកពីប្រទេសស្វីស។ ចំណែកលេខ ២ កីឡាការិនី Gina Strenberg ថេរវេលា ៤៦ នាទី និង ៥៨ វិនាទី និងលេខ៣ បានលើកីឡាការិនី Kristina Eriksson ថេរវេលា ៤៨នាទី និង ៨ វិនាទី។
ការរត់ចម្ងាយ ១០ គីឡូម៉ែត្រ ផ្នែកបុរស គឺចំណាត់ថ្នាក់លេខ១ បានលើកីឡាករAmaud Deh ជនជាតិបារាំង ក្នុងថេរវេលា ៣៩ នាទី និង ៤០ វិនាទី, ចំណាត់ថ្នាក់លេខ ២ កីឡាករ កាំង ធឿន ជនជាតិកម្ពុជា ក្នុងថេរវេលា ៣៩ នាទី ៤០ វិនាទី និងចំណាត់ថ្នាក់លេខ ៣ កីឡាករ កម្ពុជា ឈ្មោះ សារ៉ា តាក់ ក្នុងថេរវេលា ៣៩ នាទី និង ៥២ វិនាទី។
ចំណែកការរត់ប្រណាំងចម្ងាយ ៣ គីឡូម៉ែត្រ ជាលក្ខណៈគ្រួសារ ដោយចំណាត់ថ្នាក់លេខ១ Samuel Penfold ជាកីឡាបរទេស លេខ២ កីឡាកម្ពុជា ហួន គង្គារ និងចំណាត់ថ្នាក់លេខ ៣ កីឡាកម្ពុជា ឡឹក សាវឿន។
ការប្រកួតរត់ប្រណាំងពាក់កណ្តាលម៉រ៉ាតុង នៅសៀមរាបអង្គរ ឆ្នាំនេះ មានកីឡាករចូលរួមសរុបចំនួន ៥.១២៩នាក់។ ក្នុងនោះកីឡាបរទេសចំនួន ៣.៣០២ នាក់ និងកីឡាករកម្ពុជាចំនួន ១.៨២៧នាក់៕

លោកថោង ខុនបាញ់កាំភ្លើងជាសញ្ញានៃការចេញដំណើរ

អ្នកដែលមកដល់ទីមុនគេភាគច្រើនជាកីឡាករបរទេស

មេដឹកនាំបក្សកុម្មុយនិស្តវៀតណាមបំពេញទស្សនកិច្ចនៅកម្ពុជានៅថ្ងៃអង្គារខាងមុខ

2011-12-05T07:31:00.000-08:00

អគ្គលេខាធិការបក្សកុម្មុយនិស្តវៀតណាម លោកង្វៀនភូចុង( Nguyen Phu Trong) នឹងមកបំពេញទស្សនកិច្ចនៅកម្ពុជា នៅថ្ងៃអង្គារដើមសប្តាហ៍ក្រោយនេះ។ ក្នុងដំណើរទស្សនកិច្ចរយៈពេល៣ថ្ងៃនៅកម្ពុជា អគ្គលេខាធិការបក្សកុម្មុយនិស្តវៀតណាមនឹងចូលថ្វាយបង្គំគាល់ព្រះមហា ក្សត្រ អតីតព្រះមហាក្សត្រ និងមេដឹកនាំកំពូលស្ថាប័នជាតិទាំងបី។ វត្តមានរបស់មន្ត្រីជាន់ខ្ពស់ទីក្រុងហាណូយនៅកម្ពុជានាពេលនេះ បានកើតឡើង បន្ទាប់ពីសន្និសីទកំពូលរណសិរ្ស៣ប្រទេសកម្ពុជា វៀតណាម ឡាវ ទើបតែបិទបញ្ចប់កាលពីដើមសប្តាហ៍នេះ។

អគ្គ លេខាធិការបក្ស កុម្មុយនិស្តវៀតណាម លោក ង្វៀន ភូចុង (Reuters)

សេចក្តីរាយការណ៍របស់ ប៉ែន បូណា ពីភ្នំពេញ

(02:12)

ដំណើរទស្សនកិច្ច របស់អគ្គលេខាធិការគណៈកម្មាធិការមជ្ឈិមបក្ស កុម្មុយនិស្ដវៀតណាម លោក ង្វៀន ភូចុង នៅពេលនេះធ្វើឡើងតបតាមការអញ្ជើញរបស់ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា។ ដំណើរទស្សនកិច្ចនេះត្រូវបានគេពន្យល់ថា ជាទស្សនកិច្ចមិត្តភាព និងផ្លូវរដ្ឋ រយៈពេល ៣ថ្ងៃ ចាប់ពីថ្ងៃទី៦ ដល់ថ្ងៃទី៨ ខែធ្នូ ឆ្នាំ២០១១។
យោងតាមសេចក្តីប្រកាសព័ត៌មានរបស់ក្រសួងការបរទេស ក្នុងអំឡុងពេលស្នាក់នៅប្រទេសកម្ពុជា លោក ង្វៀន ភូចុង នឹងចូលបង្គំគាល់ព្រះមហាក្សត្រសម្តេចព្រះបរមនាថ នរោត្តម សីហមុនី និងអតីតព្រះមហាក្សត្រ សម្តេចឪ នរោត្តម សីហនុ ព្រមទាំងមេដឹកនាំកំពូលនៃស្ថាប័នជាតិទាំងបីគឺលោក ជា ស៊ីម ប្រធានព្រឹទ្ធសភា, លោក ហេង សំរិន ប្រធានរដ្ឋសភា និងប្រមុខរដ្ឋាភិបាលកម្ពុជា គឺលោកនាយករដ្ឋមន្ត្រីហ៊ុន សែន។ ក្រៅពីនោះ ឥស្សរជនវៀតណាមរូបនេះក៏នឹងជួបសំណេះសំណាលជាមួយសហគមន៍ជនជាតិវៀតណាម នៅកម្ពុជា និងទស្សនកិច្ចក្នុងខេត្តសៀមរាបផងដែរ។
លោក ង្វៀន ភូចុង គឺជាឥស្សរជនកំពូលម្នាក់ដែលទើបនឹងឡើងកាន់តំណែងដ៏សំខាន់បំផុត របស់ប្រទេសវៀតណាម កាលពីដើមឆ្នាំ២០១១។ មុននឹងត្រូវបានបោះឆ្នោតជ្រើសរើសឲ្យឡើងកាន់តំណែងអគ្គលេខា គណៈកម្មាធិការមជ្ឈិមបក្សកុម្មុយនិស្ដវៀតណាម ដោយមហាសន្និបាតបក្សកុម្មុយនិស្ដលើកទី១១ កាលពីខែមករា ឆ្នាំ២០១១ លោកភូចុងគឺជាប្រធានសភាជាតិវៀតណាម។ នៅមិនទាន់មានប្រភពផ្លូវការណាមួយដែលបញ្ជាក់អំពីខ្លឹមសារនៃជំនួប ទាំងនោះនៅឡើយទេ។ សេចក្តីថ្លែងការណ៍រួមមួយនឹងត្រូវគេចេញផ្សាយនៅចុងបញ្ចប់នៃ ទស្សនកិច្ចនេះ។
គួរកត់សម្គាល់ថា ទស្សនកិច្ចរបស់អគ្គលេខាធិការមជ្ឈិមបក្សកុម្មុយនិស្តវៀតណាមនៅពេល នេះបានធ្វើឡើងបន្ទាប់ពីសន្និសីទថ្នាក់កំពូលនៃរណសិរ្ស៣ប្រទេស កម្ពុជា វៀតណាម ឡាវ ទើបតែបិទបញ្ចប់កាលពីដើមសប្តាហ៍នេះនៅកម្ពុជាដោយផ្តោតសំខាន់ទៅ លើការកសាងព្រំដែនសន្តិភាព មិត្តភាពនិងកិច្ចសហប្រតិបត្តិការរវាងប្រទេសទាំងបី។ ទស្សនកិច្ចនេះក៏ធ្វើឡើងស្របពេលដែលគណបក្សកាន់អំណាចកម្ពុជាបាន ប្រារព្ធទិវាកំណើតរណសិរ្ស២ធ្នូ ឆ្នាំ១៩៧៨ ដើម្បីរំដោះប្រទេសចេញពីរបបខ្មែរក្រហម។ «រណសិរ្សសាមគ្គីសង្គ្រោះជាតិកម្ពុជា»ដែលគាំទ្រដោយប្រទេសវៀតណាម៕